Gəncədə gənclərin iştirakı ilə təlim baş tutub. Bu haqda 6 mart tarixində Gənclər Evinə istinadən məlumat veririk.
Seminar “BİRLİKdə BİR İLK - IT” mövzusunda təşkil olunub. Təlimi Gənclər Evi “İnnovasiyalar Klubu”nun rəhbəri Həsənova İlahə və təlimçi Həsənov Həsən aparıblar. Burada Helpdesk, IT biliklər, frontend, backend, proqramlaşdırma sahəsi, şəbəkə inzibatçılığı, sistem inzibatçılığı və s. haqda danışılıb.
Tədbirdə “Lazım olan təməl biliklər”, “0-dan necə öyrənməli?”, “Digər tələb olunan IT bilikləri”, “Öyrənmə metodları”, “Necə araşdırma etməli?”, “IT sahəsində necə uğur qazanmalı?” mövzularında məlumat verilib. Seminara 55-dən çox gənc qatılıb.
Təlim üç mərhələli olub. Sonda iştirakçıların hər birinə sertifikat təqdim edilib.
