Gəncədə yerləşən təhsil ocaqlarından birinin saytı yenilənib. Bu haqda 8 fevral tarixində Səhiyyə Nazirliyinin Gəncə Tibb Kollecinə istinadən xəbər veririk.
Azərbaycan Respublikası Səhiyyə Nazirliyi Gəncə Tibb Kollecinin rəsmi saytının dizayn və quruluşu yenilənərək istifadəyə verilib. Təhsil müəssisəsinin ilk rəsmi saytı hələ 2019-cu ildə yaradılıb.
“O zamanın tələblərinə cavab verən rəsmi internet resursumuz fəaliyyət göstərirdi. Lakin illər keçdikcə daha müasir şəkildə rəsmi səhifəni yenilədik. Saytımız artıq 3 dildə fəaliyyət göstərir. Struktur və dizayn yenilənərək yeni funksiyalar əlavə olunub”,- deyə kollecin direktoru əməkdar həkim Mehman Rzayev bildirib.
Elektron bazaya 30 kitab artırılaraq sayı 81-ə çatdırılıb. Yenilənən sayta bu linkin köməkliyi ilə daxil olmaq olar:
