Gəncədə "İnsan Hüquqları Aylığı" çərçivəsində hüquqi maarifləndirici tədbir keçirilib. Bu haqda 5 iyun tarixində Gəncə Maarif Evinə istinadən məlumat veririk.
"İnformasiya əldə etmək hüququ” mövzusuna həsr olunan tədbir Gəncə Maarif Evində baş tutub. Çıxış edən Ombudsmanın Qərb Regional Mərkəzinin rəhbəri Səbuhi Abbasov qeyd edib ki, ictimai mühitə təsir göstərən, insanlar üçün maraqlı və əhəmiyyətli olan bütün hadisə və faktlar barədə hər bir fərdin informasiya almaq hüququ vardır.
Tədbir iştirakçılarına "İnformasiya əldə etmək haqqında" Azərbaycan Respublikasının Qanununun müddəaları barədə ətraflı məlumat verilərək, onları maraqlandıran suallar cavablandırılıb.
