Gəncənin rəsmi şəxsləri Gənclər Günü münasibəti ilə tədbirlərdə iştirak ediblər. Bu haqda 3 fevral tarixində İcra Hakimiyyətinə istinadən xəbər veririk.
İcra Hakimiyyətinin, Regional Gənclər və İdman İdarəsinin, Regional Təhsil İdarəsinin, Gəncə Dövlət Filarmoniyasının birgə təşkilatçılığı ilə Gənclər Günü münasibəti ilə ümumşəhər tədbiri keçirilib. Burada Niyazi Bayramov, Türkiyənin Gəncədəki Baş Konsulu Recep Öztop, YAP Gəncə Şəhər Təşkilatının sədri Bayram Aslanov, millət vəkilləri Musa Quliyev və Naqif Həmzəyev, GDU-nun rektoru Yusif Yusibov, ADAU-nun rekoru Zəfər Qurbanov, ATU-nun rektor əvəzi Yaşar Ömərov, idarə, müəssisə, təşkilat rəhbərləri və fəal gənclər iştirak ediblər.
Tədbir çərçivəsində Gəncə Dövlət Filarmoniyasının “Urban mərkəzi”ndə “Qalib xalqın qalib gəncləri” mövzusunda baş tutan sərgiyə baxış keçirilib. Sərgidə istedadlı gənclərin əl işləri, rəsm əsərləri və fotoşəkillər nümayiş olunub. Daha sonra istedadlı gənclərin təqdimatında konsert proqramı təşkil olunub. Sonda gənclər “Fəxri Fərman”, “Diplom” və “Təşəkkürnamə”lərlə təltif ediliblər.
