Gəncədə daha bir ərazidə yaşıllaşdırma işləri görülür. Bu haqda 2 fevral tarixində Mənzil Kommunal Təsərrüfatı İstehsalat Birliyinə istinadən xəbər veririk.
Yaşıllaşdırma marafonu çərçivəsində Gəncəçayın sağ sahilində ağac əkini aparılıb. Əraziyə Mənzil Kommunal Təsərrüfatı İstehsalat Birliyinin texnikası və canlı qüvvəsi cəlb olunub. Bura ilkin olaraq, 40 ədəd sərv ağacının tingləri əkilib.
Həmin ərazidə digər ağac və gül kollarının əkini üçün hazırlıq işləri aparılır, müxtəlif aqrotexniki tədbirlər görülür. Şəhərimizin estetik görünüşünə və ekoloji tarazlığına öz müsbət təsirini göstərən bu kimi aksiyalar mütəmadi olaraq təşkil olunur.
Qeyd edək ki, ötən il çayın Azərbaycan Bayrağı küçəsi ilə paralel olan hissəsinə də 300 ədəd ağac, müxtəlif gül və çiçəklər əkilib.
