Gəncə Regional Turizm İdarəsinin təşkilatçılığı ilə görüş baş tutub. Bu haqda 13 mart tarixində Regional Turizm İdarəsinə istinadən xəbər veririk.
TEG turizm şirkətinin dəstəyi ilə yerli bələdçilər və bu sahəyə marağı olan gənclərlə görüş keçirilib. Burada məqsəd regionda fəaliyyət göstərən yerli bələdçilər və bu sahəyə marağı olan potensiallı gənclərlə tanış olmaqdır.
Görüşdə qərb bölgəsinin tarixinə, mədəniyyətinə, qastronomiyasına bələd olan Gəncə Dövlət Universitetinin müəllim və tələbə heyəti ilə müzakirələr aparılıb. Daha sonra tələbələrin region haqqında bilik və bacarıqları qiymətləndirilib və sualları cavablandırılıb.
