Gəncədə yığılmış traktorların sayı açıqlanıb. Bu haqda 25 yanvar tarixində Fed.az-a istinadən məlumat veririk.
Gəncə avtomobil zavodunda 2023-cü il üzrə statistika paylaşılıb. Bildirilir ki, traktor istehsalında ötən ilin müvafiq dövrünə nisbətdə artım qeydə alınıb.
Birliyin mətbuat katibi Məqsəd Rəhimovun sözlərinə görə, 2022-ci il ərzində 587 müxtəlif modeldə traktor yığılıb, 2023-cü ilin müvafiq dövründə isə bu rəqəm 662 traktor təşkil edib. Bu da 12,7 faiz artımdır.
Bundan başqa, ötən il müəssisədə müxtəlif modeldə 366 yük avtomobili, 341 müxtəlif təyinatlı KAMAZ, 50 ədəd SAMPO markalı kombayn və 23 ədəd KAMAZ şassisi üzərində quraşdırlımış vaxta avtobusu yığılıb.
Mətbuat Xidmətinin rəhbəri onu da vurğulayıb ki, Gəncə Avtomobil Zavodu ilə İtaliyanın SDF qrupu arasında strateji əməkdaşlıq müqaviləsi əsasında müəssisədə alman markalı traktorların yığımına başlanıb və indiyədək 22 ədəd müxtəlif modeldə traktorların yığımı reallaşdırılıb.
