Gəncədə bayram tədbiri təşkil olunub. Bu haqda Gencexeber.az-a 29 dekabr tarixində məlumat daxil olub.
“18 yaşınadək əlilliyi müəyyən edilmiş şəxslər üçün bayram tədbirlərinin təşkili” layihəsi çərçivəsində şənlik keçirilib. Burada rəqslər, nağıl qəhrəmanları və kloun çıxışları, hədiyyələr, yemək və şirniyyat süfrəsi təşkil olunub.
Şənlik Sosial Xidmətlər Agentliyinin dəstəyi və Regional İnkişaf Üzrə Marifləndirmə İctimai Birliyinin təşkilatçılığı ilə baş tutub. Tədbirdə 100-dən çox fiziki məhdudiyyətli uşaq iştirak edib. Proqram Heydər Əliyevin 100 illik yubileyinə həsr olunmuş silsilə tədbirlər çərçivəsində 31 Dekabr - Dünya Azərbaycanlılarının Həmrəylik Günü münasibətilə “Min Bir Gecə” Şadlıq Sarayında keçirilib.
[modula id="52449"]
