Gəncədə dahi bəstəkara həsr edilən konfrans təşkil olunub. Bu haqda 23 noyabr tarixində Kəpəz televiziyasına istinadən xəbər veririk.
“Fikrət Əmirovun əsərlərini ifa və təhlil edirik” adlı 8-ci Elmi-İfaçılıq konfransı keçirilib. Burada simfonik muğam janrının banisi olan Fikrət Əmirovun xalq musiqisi və muğam ənənələrini müasir musiqi texnikası ilə birləşdirdiyi qeyd edilib.
Tədbirə Bakıdan Fikrət Əmirov adına 6 nömrəli İncəsənət Məktəbinin kollektivi də qatılıb. Şagirdlər tərəfindən bəstəkarın ərsəyə gətirdiyi əsərlər ifa olunub.
Konfransda iştirak edən Bakı şəhər 6 nömrəli İncəsənət və Gəncə şəhər 1 nömrəli Uşaq Musiqi məktəblərinin direktorları bu cür konfransların keçirilməsinin uşaqların və müəllimlərin inkişafına böyük təkan verəcəyini deyiblər.
