Gəncədə “2024-cü il üçün Mülki müdafiə kurslarının dinləyicilərlə komplektləşdirmə planları”na əsasən, mülki müdafiə kursu baş tutub. Bu haqda 5 mart tarixində Fövqəladə Hallar Nazirliyinə istinadən xəbər veririk.
Fövqəladə Hallar Nazirliyinin regional mərkəzi tərəfindən “Gənclərin çağırışaqədərki hərbi hazırlıq müəllimləri” kateqoriyası üzrə müdafiə kursu baş tutub. Burada məqsəd mühafizə sahəsində maarifləndirmə işinin aparılması, fərdi və kollektiv mühafizə vasitələrindən, ilkin yanğınsöndürmə alət və avadanlıqlarından istifadə qaydalarının öyrədilməsidir.
Yerli struktur bölmələrinin əməkdaşları da tədris prosesində iştirak ediblər. Sonda kursları müvəffəqiyyətlə başa vurmuş dinləyicilərə şəhadətnamələr təqdim edilib.
