Gəncədə Fövqəladə Hallar Nazirliyinin Regional Mərkəzi tərəfindən kurs keçirilib. Bu haqda 1 fevral tarixində Fövqəladə Hallar Nazirliyinə istinadən xəbər veririk.
Regional Mərkəz tərəfindən “Gənclərin çağırışaqədərki hərbi hazırlıq müəllimləri” kateqoriyası üzrə mülki müdafiə kursları baş tutub. FHN-in digər qurumlarının yerli struktur bölmələrinin əməkdaşları tədris prosesində iştirak ediblər.
Tədbirdə məqsəd fövqəladə hadisələrdən mühafizə sahəsində maarifləndirmə işinin aparılması, fərdi və kollektiv mühafizə vasitələrindən, ilkin yanğınsöndürmə alət və avadanlıqlarından istifadə qaydalarının öyrədilməsi, kurs iştirakçılarının mülki müdafiə qüvvə və vasitələrinin idarə olunması üzrə bacarıqlarını təkmilləşdirməkdir.
Sonda kursları müvəffəqiyyətlə başa vurmuş dinləyicilərə şəhadətnamələr təqdim edilib.
