Gəncədə təhsil ocaqlarının birində tədbir baş tutub. Bu haqda 5 mart tarixində Fövqəladə Hallar Nazirliyinə istinadən xəbər veririk.
Fövqəladə Hallar Nazirliyinin Dövlət Yanğın Nəzarəti Xidməti səlahiyyətlərinə uyğun olaraq, yanğın təhlükəsizliyi ilə bağlı əhalinin maarifləndirilməsi məqsədilə silsilə tədbirləri davam etdirir. Növbəti toplantı Azərbaycan Texnologiya Universitetində təşkil olunub.
Tədbirdə yanğınların başvermə səbəbləri və qarşısının alınması yolları, yanğın zamanı zəruri davranış qaydaları barədə məlumat verilib. Daha sonra ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
