Gəncədə silsilə maarifləndirmə tədbirləri keçirilib. Bu haqda 12 mart tarixində Fövqəladə Hallar Nazirliyinə istinadən xəbər veririk.
33 nömrəli tam orta məktəbdə və Tibb Kollecində maarifləndirici görüşlər təşkil olunub. Tədbirlər Fövqəladə Hallar Nazirliyinin aidiyyəti qurumları tərəfindən aparılıb.
Görüşlərin məqsədi baş verə biləcək təbii və texnogen xarakterli fövqəladə hadisələrlə bağlı zəruri davranış qaydaları barədə vətəndaşlara müvafiq biliklərin verilməsi olub. Daha sonra iştirakçılara “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
