Gəncədə Fövqəladə Hallar Nazirliyi tərəfindən silsilə maarifləndirmə tədbirləri keçirilib. Bu haqda 20 aprel tarixində FHN-ə istinadən xəbər veririk.
2 nömrəli Uşaq-Gənclər İdman-Şahmat Məktəbində və Gəncə Dövlət Universitetində tədbirlər təşkil olunub. Toplantılarda gənclərə fövqəladə hallarla bağlı davranış qaydaları izah edilib. Burada məqsəd baş verə biləcək təbii və texnogen xarakterli fövqəladə hadisələrlə bağlı zəruri davranış qaydaları barədə vətəndaşlara müvafiq biliklərin verilməsi olub.
Tədbirdə vətəndaşlara, həmçinin ilkin yanğınsöndürmə vasitələrindən istifadə qaydaları əyani şəkildə nümayiş etdirilib. Daha sonra interaktiv formada keçirilən tədbirlər zamanı suallar ətraflı cavablandırılıb.
