Gəncədə konfrans təşkil olunub. Bu haqda 16 dekabr tarixində Report-a istinadən xəbər veririk.
Ekologiya və təbii sərvətlər naziri Muxtar Babayev və kənd təsərrüfatı naziri Məcnun Məmmədov şəhərimizə səfər ediblər. Səfərin səbəbi "Milli ekoloji prioritetlər və qlobal iqtisadi təhdidlər. Yeni çağırışlar, imkanlar və perspektivlər" mövzusunda keçirilən Beynəlxalq elmi-praktiki konfrans olub.
Tədbirdə, həmçinin Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov, energetika nazirinin müavini Elnur Sultanov və Kiçik və Orta Biznesin İnkişafı Agentliyinin idarə heyətinin sədri Orxan Məmmədov da iştirak edəcəklər.
Qeyd edək ki, konfrans başa çatdıqdan sonra ağacəkmə və Göygöl Milli Parkında göllərə balıq buraxma mərasimi də keçiriləcək.
