Gəncədə türk müəllimlərin bayramı təbrik edilib. Bu haqda 25 noyabr tarixində ADAU-ya istinadən məlumat veririk.
Türkiyədə qeyd olunan Müəllimlər Günü münasibətilə Azərbaycan Dövlət Aqrar Universitetində (ADAU) tədbir baş tutub. Məqsəd ikili diplom proqramı çərçivəsində universitetdə tədris edən Ege Universitetinin pedaqoji heyətinin bayramını təbrik etmək olub.
Burada ADAU-nun rektoru Zəfər Qurbanov türkiyəli müəllimlərə gələcək fəaliyyətlərində uğurlar arzulayıb. Türkiyənin Gəncədəki Baş Konsulu Rəcəp Öztop da müəllimləri təbrik edib. O, bu peşənin şərəfli və müqəddəs peşə olduğunu bildirib.
Sonda ikili diplom proqramı çərçivəsində təhsil alan tələbələr müəllimlərini təbrik ediblər, xatirə şəkli çəkdirilib.
