Gəncədə yeni sosial mərkəz yaradılıb. Bu haqda 9 aprel tarixində ƏƏSMN-ə istinadən məlumat veririk.
Günərzi qayğı mərkəzi Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin sifarişi ilə icra olunan layihələr əsasında fəaliyyətə başlayıb. Burada xüsusi qayğıya ehtiyacı olan uşaqların və 18 yaşınadək əlilliyi müəyyən edilmiş şəxslərin korreksiya, abilitasiya, reabilitasiya və s. xidmətlərlə, psixoloji dəstəklə təminatı nəzərdə tutulub.
Bundan başqa, sosial inklüziyanın təmin edilməsi, maraq və qabiliyyətləri nəzərə alınaraq, müxtəlif dərnəklər vasitəsi ilə özünəxidmət qabiliyyətlərinin artırılması və təxəyyüllərinin inkişaf etdirilməsi üçün xidmətlər göstəriləcək.
Layihənin məqsədi uşaqların dövlət uşaq müəssisələrinə düşməsinin qarşısının alınması, çətin həyat şəraitində olan uşaqların və ailələrin sosial xidmətlərə çıxışının təmin edilməsidir.
