Gəncədə kitabxanaların birində tədbir təşkil olunub. Bu haqda 5 fevral tarixində 7 nömrəli kitabxanaya istinadən xəbər veririk.
Tədbir Dünya Xərçənglə Mübarizə Günü ilə əlaqədar 7 saylı kitabxanada baş tutub. Burada çıxış edən psixoloq Brilyant Rzayeva bu tarixin 2005 - ci ildə Xərçəngə Qarşı Beynəlxalq Mübarizə birliyi tərəfindən təsıs edildiyini və xəstəliyin 100-ə qədər növü olduqunu qeyd edib. O bildirib ki, bu xəstəliyin qarşısını almaq üçün erkən diaqnostika, düzgün qidalanma, düzgün həyat tərzi, zərərli vərdişlərdən uzaq durmaq vacibdir.
Sonda psixoloq oxucuların xərçəng xəstəliyi ilə əlaqədar suallarını cavablandırıb.
Qeyd edək ki, tədbirin keçirilməsində məqsəd dünya ictimaiyyətinin diqqətini bu qlobal problemə yönəltmək, onun nə dərəcədə təhlükəli olduğunu xatırlatmaqdır.
