Gəncədə yarmarka təşkil olunacaq. Bu haqda 24 fevral tarixində Dövlət Məşğulluq Agentliyinə istinadən məlumat veririk.
Tədbir Dövlət Məşğulluq Agentliyinin Gəncə-Daşkəsən Regional Məşğulluq filialının dəstəyi ilə baş tutacaq. Əmək yarmarkası 27 fevral tarixində saat 11:00-da Atatürk prospekti, 434 ünvanında (Yeni Azərbaycan Partiyası Gəncə Şəhər Təşkilatının inzibati binasında) keçiriləcək.
Burada 12 müəssisə tərəfindən 100-dən çox vakansiya təqdim olunacaq. Yarmarkaya gələn vətəndaşlar şəxsiyyət vəsiqələrini təqdim etməlidirlər. Namizədlərin CV nümunəsi ilə birlikdə gəlmələri tövsiyə olunur.
