Gəncədə teatrların birində toplantı keçirilib. Bu haqda 19 yanvar tarixində Gəncə Dövlət Kukla Teatrına istinadən xəbər veririk.
Gəncə Dövlət Kukla Teatrında 20 Yanvar faciəsinin 34-cü ildönümünə həsr olunmuş tədbir təşkil olunub. Tədbirin əvvəlində teatrın kollektivi vətənimizin azadlığı və bütövlüyü uğrunda canından keçən şəhidlərimizin əziz xatirəsini bir dəqiqəlik sükutla yad ediblər.
Daha sonra faciənin canlı şahidlərindən olan teatrın direktoru Azərbaycan Respublikasının Əməkdar artisti Fərmail Paşayev və teatrın aktyoru “Fəxri mədəniyyət işçisi” döş nişanlı Səməd Xanəhmədov qanlı faciədə şahidi olduqları vəhşiliklərdən danışıblar. Sonda Xalq artisti Şöhrət ordenli Ramiz Fətəliyevin quruluşçu rejissoru olduğu "Silahdaşlar" adlı sənədli film izlənilib.
