Gəncədə bir qrup şəxs təltif edilib. Bu haqda 16 mart tarixində İcra Hakimiyyətinə istinadən məlumat veririk.
Tədbir İcra Hakimiyyətinin inzibati binasında baş tutub. Buraya icra başçısı Niyazi Bayramov, YAP Gəncə Şəhər Təşkilatının sədri Bayram Aslanov, İcra Hakimiyyəti başçısı yanında şura üzvləri və başqaları qatılıblar.
Görüşdə Şəhər Ağsaqqallar Şurasının sədri Nurəddin Məmmədov, YAP Gəncə Şəhər Təşkilatının sədri Bayram Aslanov, Gəncə Dövlət Universitetinin rektoru, professor Yusif Yusibov, ADAU-nun rektoru Zəfər Qurbanov, ATU-nun rektor vəzifəsini müvəqqəti icra edən Yaşar Ömərov çıxışlar ediblər.
Daha sonra Niyazi Bayramov tərəfindən Heydər Əliyevin 100 illiyi münasibətilə təsis edilən yubiley medalları Rəfiqə Sadıqovaya, İrina Kalaşnikovaya və mərhum Mobil İmanovun oğlu Siyavuş İmanova təqdim olunub.
Qeyd edək ki, “Heydər Əliyevin 100 illiyi (1923-2023)” yubiley medalına şəhər rəhbəri Niyazi Bayramov, “Gəncənin səsi” qəzetinin baş redaktoru Rəfiqə Sadıqova, “Novosti Qyandji” qəzetinin redaktoru İrina Kalaşnikova və Gəncə Şəhər Ağsaqqallar Şurasının sədr müavini, cari ilin yanvar ayında dünyasını dəyişmiş Mobil İmanov layiq görülüblər.
