Gəncədə maarifləndimə tədbiri keçirilib. Bu haqda 9 dekabr tarixində ADAU-ya istinadən xəbər veririk.
“Doğulacaq uşağın cinsinin seçilməsi ilə mübarizə” mövzusunda toplantı baş tutub. Tədbirdə yeniyetmə və gənclərin sağlam nəsil kimi formalaşması üçün həyata keçirilən maarifləndirmə işlərindən danışılıb. Həmçinin uşaqların doğulanadək cins seçiminin qarşısının alınması və ailələrdə doğulan uşaqlar arasında oğlan uşağına verilən üstünlüyün kökündə dayanan gender stereotiplərinin aradan qaldırılmasından bəhs edilib.
Toplantının sonunda mövzu ətrafında müzakirələr aparılıb və iştirakçıları maraqlandıran suallar cavablandırılıb. Tədbir Şəhər İcra Hakimiyyəti, Ailə, Qadın və Uşaq Problemləri üzrə Dövlət Komitəsi və Azərbaycan Dövlət Aqrar Universitetinin birgə təşkilatçılığı ilə baş tutub.
