Gəncədə ümumtəhsil məktəblərində çalışan şəxslərlə görüş baş tutub. Bu haqda 31 yanvar tarixində Regional Təhsil İdarəsinə istinadən xəbər veririk.
Ümumtəhsil məktəblərinin təlim-tərbiyə işləri üzrə direktor müavinləri və psixoloqlarının iştirakı ilə görüş keçirilib. Tədbirin məqsədi həmin nümayəndələrin peşə bacarıqlarını inkişaf etdirmək, onları vəzifə və öhdəlikləri ilə bağlı maarifləndirmək, uşaqlarla həyata keçirdikləri psixoloji işlərin keyfiyyətini yüksəltmək olub.
Görüşdə iştirakçılara məktəblərdə psixoloji işin düzgün qurulması, psixoloqlarda məktəb mühitini düzgün təhliletmə qabiliyyətlərinin formalaşdırılması, valideynlərlə işin qurulması və hesabatlılığın təmin olunması ilə bağlı məlumat verilib.
