Gəncədə təhsil ocaqlarının birində tədbir baş tutub. Bu haqda 16 fevral tarixində İcra Hakimiyyətinə istinadən xəbər veririk.
4 nömrəli xarici dil təmayüllü məktəb-liseydə “Dini radikalizmi meydana gətirən səbəblər" mövzusunda maarifləndirici tədbir keçirilib. Burada Dini Qurumlarla İş üzrə Dövlət Komitəsinin Gəncə bölgəsi üzrə şöbəsinin müdir müavinləri Elmar Fətəliyev, Faiq Əsgərov, müəllimlər və şagirdlər iştirak ediblər.
Tədbirdə dini radikalizmə qarşı aparılan mübarizə tədbirlərindən danışılıb. Müxtəlif dini cərəyanlar və onların fəaliyyət metodları haqqında ətraflı məlumat verilib. Həmçinin dini məzhəbçilik meyillərinin milli birliyə və dini təhlükəsizliyə təsiri geniş izah olunub.
