Gəncədə növbəti küçədə təmir işləri aparılır. Bu haqda Gencexeber.az-a 26 avqust tarixində məlumat daxil olub.
Sözügedən işlər şəhərin Ruzigar Qasımov küçəsində aparılır. Əraziyə məsul şirkətin texnikası və canlı qüvvəsi cəlb olunub. Burada yolun su və kanalizasiya sistemləri çəkilən zaman qazılmış hissəsinə asfalt örtüyü salınır.
Xatırladaq ki, ötən gün şəhərin üç küçəsində təmir işlərinin aparılması haqda məlumat vermişdik.
