Gəncədə daha bir konsert proqramı təşkil olunub. Bu haqda 9 noyabr tarixində İcra Hakimiyyətinə istinadən xəbər veririk.
9 Noyabr - Dövlət Bayrağı Günü münasibətilə konsert keçirilib. Tədbir İcra Hakimiyyətinin və Gəncə Dövlət Filarmoniyasının birgə təşkilatçılığı ilə baş tutub. Konsertin əvvəlində Heydər Əliyevin və şəhidlərimizin əziz xatirəsi bir dəqiqəlik sükutla yad olunub. Daha sonra Filarmoniya musiqi proqramı ilə çıxış edib.
Konsertə Niyazi Bayramov, Türkiyənin Gəncədəki Baş konsulu Recep Öztop, Gəncə şəhər prokuroru Azad Qarayev, millət vəkili Pərvin Kərimzadə, YAP Gəncə Şəhər Təşkilatının sədri Bayram Aslanov, GDU-nun rektoru, professor Yusif Yusibov, İcra Hakimiyyəti başçısı Aparatının məsul əməkdaşları, bələdiyyə sədrləri, idarə, müəssisə və təşkilat rəhbərləri qatılıblar.
Tədbirin sonunda xatirə şəkli çəkdirilib.
