Gəncədə təmizlik aksiyası baş tutub. Bu haqda 4 mart tarixində MKTİB-yə istinadən məlumat veririk.
İməcilik Dəmir Yolu Vağzalının ətrafında həyata keçirilib. MKTİB-nin 5, 12 və 13 saylı Ərazi Xidmət sahələrinin əməkdaşları və qurumun texnikası adıçəkilən əraziyə cəlb olunub. Burada mövcud kol-kos, alaq otları, palçıq, toz-torpaq və məişət tullantıları yığışdırılıb.
Ərazidəki zibil qutularının ətrafında səliqə-sahman yaradılıb. Vağzalın qarşısındakı meydan, yaxınlığındakı avtomobil dayanacaqları və səkilər təzyiqli su vasitəsilə yuyulub. Ərazidəki yaşıllığa aqrotexniki qulluq göstərilib, bitkilər suvarılıb.
