Gəncədə sakinlərin hərəkətində çətinlik yaranıb. Bu haqda Gencexeber.az-a 19 dekabr tarixində məlumat daxil olub.
Söhbət şəhərin Nizami Gəncəvi prospekti ilə Məhsəti Gəncəvi küçəsinin kəsişməsindən gedir. Sakinlərin sözlərinə görə, Ticarət və Xidmət üzrə Gəncə Dövlət Peşə Təhsil Mərkəzinin qarşısındakı yol çoxhərəkətlidir. Burada yerləşən işıqforun işıqlarının yanma müddəti isə qısadır. Onlar bildirirlər ki, həmin vaxt ərzində yolun bir tərəfindən digərinə keçməkdə çətinlik çəkirlər.
Bundan başqa, sözügedən ərazidə piyada zolağı silinib.
