Gəncədə küçələrdən biri axşam saatlarında işıqlandırılmır. Bu haqda Gencexeber.az-a 17 avqust tarixində məlumat daxil olub.
Bu hal şəhərin Təbriz küçəsində (Bağbanlar kimi tanınan ərazidə) müşahidə olunur. Sakinlər bildirirlər ki, axşam saatları olan kimi küçəni qaranlıq bürüyür. İşıq dirəklərinin olmasına baxmayaraq, onlar çalışmır. Nəticədə avtomobillərin hərəkəti çətinləşir. Həmçinin yolu keçmək istəyən piyadalar üçün təhlükə yaranır.
Sakinlər bu haldan narahat olduqlarını qeyd ediblər. Onlar işləməyən lampaların yeniləri ilə əvəz olunmasını istəyirlər.
Qeyd edək ki, bu vəziyyətin 2-3 gündür davam etdiyi bildirilir.
