Gəncədə gənclər üçün tədbir təşkil olunub. Bu haqda 22 fevral tarixində ATU-ya istinadən məlumat veririk.
Forum “Biznesini birgə yaradaq” layihəsi çərçivəsində keçirilib. Tədbir Azərbaycan Texnologiya Universiteti (ATU), Gənclər Fondu və Gənclərin Həmrəyliyi İctimai Birliyinin birgə təşkilatçılığı ilə ATU-da baş tutub.
Seminarın məqsədi regionların sosial-iqtisadi inkişafında gənclərin rolunu artırmaq, yeni ideyaların mübadiləsinə və uğurlu təcrübənin tətbiqinə nail olmaq, eləcə də gənclərin biznes bacarıqlarının artırılmasına dəstək olmaqdır.
Sonda forumda iştirak edən tələbələr hədiyyə və sertifikatlarla təltif ediliblər.
