Gəncədə KOBİM tərəfindən təlim keçirilib. Bu haqda 1 dekabr tarixində KOBİM-ə istinadən xəbər veririk.
"Biznes-planın yazılması" mövzusunda maarifləndirici təlim baş tutub. Burada risklər və təhlükələrin müəyyən edilməsi, marketinq və satış siyasətinin hazırlanması, biznes mühitinin təhlili və maliyyə hesabatlarının hazırlanması haqqında danışılıb.
Tədbirdə, həmçinin KOBİM-in eksperti bazar araşdırmasının ilkin mexanizmləri, bazar seqmentasiyasının tətbiqi, müştəri bazasının müəyyən edilməsi, biznes-planların hazırlanması, rəqabətli bazar davranışı üçün strategiya və taktikaların hazırlanması barədə məlumat verib.
