Gəncə Gənclər Evində “İnnovasiyalar Klubu”nun rəhbəri Həsənova İlahə və təlimçi Həsənov Həsən tərəfindən təlim keçirilib. Bu haqda 21 fevral tarixində Gənclər Evinə istinadən xəbər veririk.
Təlim ”Birlikdə bir ilk - IT” mövzusunda baş tutub. Burada Helpdesk, IT biliklər, frontend, backend, proqramlaşdırma sahəsi haqqında məlumat verilib. Təlim zamanı lazım olan təməl biliklər, 0-dan necə öyrənməli,digər tələb olunan IT bilikləri, öyrənmə metodları, necə araşdırma etməli, IT sahəsində necə uğur qazanmalı mövzularında danışılıb.
Daha sonra 60 nəfərdən çox gəncin iştirak etdiyi tədbirdə təlimçi Helpdesk, texniki təminatın təmin edilməsi, printerlərin idarə edilməsi, proqramların yenilənməsinə nəzarət etmək, lazim olan proqramların yüklənməsi, modem, router və access Point şəbəkə avadanlıqlarının sazlanmasını izah edib.
Qeyd edək ki, təlim 3 mərhələdən ibarətdir. Növbəti təlim 27 fevral və 5 mart tarixlərində saat 12:30-da Gənclər Evində keçiriləcək. Burada iştirak edən hər bir gəncə sertifikat təqdim olunacaq.
