Gəncədə yaşıllaşdırma işləri aparılıb. Bu haqda 16 mart tarixində MKTİB-yə istinadən məlumat veririk.
Mənzil Kommunal Təsərrüfatı İstehsalat Birliyinin Yaşıllaşdırma şöbəsinin əməkdaşları baş meydanda Heydər Əliyevin abidəsi ətrafına, fəvvarələrin kənarına mövsümi güllər əkiblər. Sözügedən aksiya Park-Bulvar kompleksinin ərazisində və Xan bağında da təşkil olunub.
Ərazilərə MKTİB-nin gülçülük və tingçilik təsərrüfatında yerli mütəxəssilər tərəfindən yetişdirilən müxtəlif güllər, dekorativ kollar əkilib. Burada qurumun əməkdaşları və texnikası çalışıb.
Qeyd edək ki, yaz fəslinin gəlişi ilə əlaqədar olaraq, Yaşıllaşdırma şöbəsi şəhərin park və xiyabanlarına, küçə və prospektlərinə mövsümi güllərin əkinini artıq bir müddətdir ki, davam etdirir.
