Gəncədə yaşayış və qeyri-yaşayış binalarında təmir-bərpa işləri davam etdirilir. Bu haqda 29 mart tarixində MKTİB-yə istinadən xəbər veririk.
Mənzil Kommunal Təsərrüfatı İstehsalat Birliyinin Təmir-Tikinti və Qəza Xidməti Şöbəsi tərəfindən yaşayış binalarında təmir-bərpa işləri aparılıb. İşlər binaların qəzalı vəziyyətdə olan dam örtüklərində, novdanlarında və digər hissələrində görülüb.
Həmçinin Heydər Əliyev prospektində yerləşən 147 saylı yaşayış binasının fasad şüşələri təmir edilib. Bundan başqa, Atatürk prospektində yerləşən 1 saylı yataqxana binasında yararsız hala düşən novdan və borularda yaranan nasazlıqlar aradan qaldırılıb.
Qeyd edək ki, yaxın günlərdə Gülüstan qəsəbəsində 20 saylı binanın dam örtüyünün də əsaslı təmirinə başlanılacaq.
