Gəncə Şəhər İcra Hakimiyyətində tədbir təşkil olunub. Bu haqda 17 aprel tarixində İcra Hakimiyyətinə istinadən xəbər veririk.
Bu il Gəncə Dövlət Dram Teatrının aktyoru, Azərbaycan Respublikası Prezidentinin fərdi təqaüdçüsü, Azərbaycan Respublikasının Xalq artisti, "Qızıl Dərviş" mükafatçısı Məmmədəli Balayevin 85, Gəncə şəhər Ağsaqqallar Şurasının üzvü, mətbuat katibi Novruz Əliyevin 75, Gəncə Dövlət Dram Teatrının aktyoru, Azərbaycan Respublikasının Əməkdar artisti, “Tərəqqi” medallı Ramiz Vəliyevin, həmçinin “Respublika” qəzetinin Gəncəbasar üzrə bölgə müxbiri, Həsən bəy Zərdabi adına və “Qızıl qələm” mükafatları laureatı Zabit Xəlilovun 65 yaşı tamam olur.
Məmmədəli Balayev, Ramiz Vəliyev və Zabit Xəlilov Gəncə Şəhər İcra Hakimiyyətinin, Novruz Əliyev isə Gəncə Şəhər İcra Hakimiyyəti və YAP Gəncə şəhər təşkilatının “Təşəkkürnamə”ləri ilə təltif olunublar. Tədbirdə qeyd olunub ki, bu insanlar uzun illər Vətənə və millətə ləyaqətlə xidmət edib, Gəncə mədəniyyətinin inkişafına böyük töhfələr verib və şəhərin ictimai-siyasi həyatında fəal istirak ediblər.
