Gəncədə təhsil işçiləri ilə görüş keçirilib. Bu haqda 13 fevral tarixində Regional Təhsil İdarəsinə istinadən məlumat veririk.
Tədbir Gəncə-Daşkəsən Regional Təhsil İdarəsində baş tutub. İdarənin müdiri Anar Qədiməliyev “E-Twinning” layihəsi çərçivəsində fəal iştirak edən müəllim və məktəb direktorlarını qəbul edib.
Burada layihə haqqında geniş müzakirələr aparılıb. Bundan başqa, bəzi təkliflər irəli sürülüb.
Sonda “E-Twinning” layihəsi çərçivəsində fəal iştirak edən müəllim və məktəb direktorları təltif ediliblər.
