Gəncədə daha 6 məktəbdə "Məktəblinin dostu" layihəsi tətbiq olunacaq. Bu haqda 2 mart tarixində Kəpəz televiziyasına istinadən xəbər veririk.
Söhbət 1, 6, 11, 18, 39 və 44 nömrəli orta məktəblərdən gedir. Təhsil ocaqları "Məktəblinin dostu" layihəsinə qatılıblar. Burada məqsəd müəllim və şagirdlər üçün məktəbdə təhlükəsiz mühit yaratmaq, fövqəladə hal baş verdikdə ilkin tibbi, psixoloji yardım göstərməkdir.
Sözügedən layihəyə qoşulan məktəblərdə dərs prosesi müddətində xüsusi otaqlardakı monitorlar vasitəsilə müşahidələr aparılır. Əməkdaşlar tərəfindən təhlükəsizlik qaydalarına əməl edilməsinə dəhlizlər və məktəbin əsas giriş və çıxışında da nəzarət edilir.
Qeyd edək ki, şəhərdəki məktəblərdə "Məktəblinin dostu" 25 əməkdaşla təmsil olunur. Bu şəxslər 6 məktəb üzrə 9 min şagirdlə işləyirlər. 8 ildir tətbiq edilən layihə ölkə üzrə 237 məktəbi əhatə edir.
