Gəncənin bəzi küçələrində lüklər sürücülərə təhlükə yaradır. Bu haqda Gencexeber.az-a 18 dekabr tarixində məlumat daxil olub.
Bu hal Pərviz Səmədov ilə Şahsevənlər küçələrinin kəsişməsində, Üzeyir Hacıbəyli, Fətəli Xan Xoyski, Mikayıl Müşfiq və İsrafil Məmmədov küçələrində müşahidə olunur. Adıçəkilən ərazilərdəki kanalizasiya lüklərinin təmirə ehtiyacı var.
Pərviz Səmədov ilə Şahsevənlər küçələrinin kəsişməsində, İsrafil Məmmədov, Mikayıl Müşfiq və Fətəli Xan Xoyski küçələrində olan kanalizasiya lükləri asfalt örtüyünün səviyyəsindən aşağıda yerləşir.
Üzeyir Hacıbəyli küçəsində isə lük qapaqsızdır. Sakinlər xəbərdarlıq məqsədilə çuxura taxta və ətrafına plastmas materiallar qoyublar.
[modula id="51786"]
