Gəncədə məktəblilərlə görüş baş tutub. Bu haqda 11 yanvar tarixində “Bir könüllü”yə istinadən məlumat veririk.
Tədbir 29 nömrəli tam orta məktəbdə keçirilib. Görüş “İctimai fəallığın artırılması ilə dəyişim əməkdaşlığı” layihəsi çərçivəsində təşkil edilib. “Bir Gələcək” təşəbbüsünün məqsədi şagirdləri gələcək ixtisas seçimi və karyera planlaması mövzusunda maarifləndirmək, dövlət və özəl sektorda çalışan, peşəkar həyatda uğur qazanan şəxslərlə şagirdlərin görüşünü təşkil edərək fərdi inkişafa dəstək olmaqdır.
Məktəbin məzunu olmuş Rövşən Nəcəfov auditoriyaya təhsil aldığı illərdə qazandığı bilik və bacarıqlar barəsində danışıb, gələcək ixtisas və karyera seçimi ilə bağlı öz tövsiyələrini bölüşüb və şagirdləri maraqlandıran sualları cavablandırıb.
Görüşün sonunda şagirdlərə sertifikat təqdim olunub.
