Gəncədə sakinləri narahat edən kommunal problem yaranıb. Bu haqda Gencexeber.az-a 4 aprel tarixində məlumat daxil olub.
Söhbət şəhərin Üzeyir Hacıbəyli küçəsi, 119b ünvanından gedir. Sakinlər yaşadıqları binada suyun təzyiqinin aşağı olduğunu bildirirlər. Onların sözlərinə görə, bundan başqa, vətəndaşlardan biri tikilini içməli su ilə təchiz edən xəttə qanunsuz olaraq qoşularaq evinə çəkmək istəyir.
“Suyumuz onsuz da çox zəif gəlir. Bir nəfər öz evinə binanın xəttindən su çəkməyə çalışır. Hər dəfə polisə zəng edirik. Gəlib müvafiq sənədləri soruşurlar, həmin şəxsdə isə yoxdur. Lakin bu hal dəfələrlə təkrarlanır. Problemlə bağlı artıq hər yerə müraciət etmişik, heç bir tədbir görülmür. Bu məsələnin həll olunmasını arzu edirik”, - deyə binada yaşayan vətəndaşlar bildiriblər.
