Gəncədə abadlıq işləri aparılır. Bu haqda 23 fevral tarixində MKTİB-yə istinadən məlumat veririk.
Mənzil Kommunal Təsərrüfatı İstehsalat Birliyinin Təmir-Tikinti və Qəza xidməti şöbəsi tərəfindən şəhərdəki yaşayış binalarının fasad hissəsində və eyvanlarda olan nasazlıqlar aradan qaldırılır. Qurumun canlı qüvvə və texnikası Səbuhi Əliyev küçəsi, bina 1 ünvanında yerləşən Ticarət və Xidmət üzrə Peşə Təhsil Mərkəzi 3 nömrəli Gəncə Peşə Liseyinin yataqxana binasında təmir işləri aparıb.
Tikilinin güclü küləkdən yararsız hala düşən süni aqlay üzlüyü MKTİB-nin briqadası tərəfindən bərpa olunub. Qəzalı eyvanların dəmir - beton konstruksiyası yenidən yığılaraq əlavə bərkidilmə işləri görülüb. Liseyin yataqxanasının qarşısındakı bordürlərin üzərində də təmir işləri aparılıb.
Bundan başqa, MKTİB tərəfindən Şah İsmayıl Xətai prospektində yerləşən 101 saylı yaşayış binasının eyvanlarında da analoji təmir işləri görülüb.
