Gəncədə qəzalı vəziyyətdə olan eyvanlar təmir edilir. Bu haqda 3 fevral tarixində MKTİB-yə istinadən xəbər veririk.
Yaşayış binalarında qəzalı vəziyyətdə olan eyvanların təmir-bərpası həyata keçirilir. Təmir işləri Mənzil Kommunal Təsərrüfatı İstehsalat Birliyinin Təmir-tikinti və Qəza xidməti şöbəsinin əməkdaşları və qurumun texnikaları tərəfindən aparılır.
Şah İsmayıl Xətai prospektində yerləşən 405-409 və 413-417 saylı binaların qəzalı vəziyyətdə olan eyvanları təmir olunub. Adıçəkilən ünvanlarda eyvanların alt hissəsindəki yararsız hissələr sökülərək, əvəzində yeni dəmir-beton konstruksiya yığılıb.
Qeyd edək ki, analoji işlər bir müddət əvvvəl şəhərin Heydər Əliyev prospektində yerləşən 231 A saylı binada da görülmüşdü.
