Gəncəli hakim xaricdə təlimə qatılıb. Bu haqda 1 dekabr tarixində Kəpəz televiziyasına istinadən məlumat veririk.
Ölkəmizi təmsil edən məşqçi və hakimlərdən ibarət olan heyət 10 gün ərzində ABŞ-nin müxtəlif şəhərlərində idman zalları ilə tanış olub və daxili yarışları izləyib. Ölkə tarixinə ilk Beynəlxalq dərəcəli qadın hakim kimi düşən həmşəhərlimiz Sevinc Yusibova da okeanın o tayında heyətin tərkibində həm infrastrukturla tanış olub, həm də təcrübəsini artırıb.
Təmsilçimiz amerikalı idmançıların daha pozitiv olduğuna diqqət çəkib.
“Burada biz həm öyrətdik, həm də öyrəndik. Əldə etdiyimiz təcrübələri öz qızlarımıza, oğlanlarımıza öyrətməyə başlamışıq”, - deyə Yusibova bildirib.
Onun sözlərinə görə, ən yaddaqalan hadisə Dünya Çempionu Con Smitlə görüş olub.
