Gəncədə ali təhsil ocağı xarici universitetlə görüşüb. Bu haqda 29 yanvar tarixində ATU-ya istinadən məlumat veririk.
İsrailin Ben-Gurion Universitetinin nümayəndələri şəhərimizə səfər ediblər. Ziyarət çərçivəsində qonaqlar Azərbaycan Texnologiya Universitetində olublar. Tədbirdə ATU-nu tədris işləri üzrə prorektor Raqif Hüseynov, strateji inkişaf və rəqəmsallaşma məsələləri üzrə rektor müşaviri Mehman Kərimov, Beynəlxalq əməkdaşlıq şöbəsinin müdiri vəzifəsini müvəqqəti icra edən Ramidə Xəlilova və Avtomatika və informasiya texnologiyaları kafedrasının müdiri Rövşən Qasımov, Ben-Gurion Universitetini isə “Complex Data Analytics Lab” şöbəsinin rəhbəri Robert Moskoviç və “Data Science Research Center” üzrə inzibati menecer xanım Lee Eldin təmsil ediblər.
Görüş zamanı gələcək əməkdaşlıq perspektivləri, tələbə və müəllim mübadiləsi, ikili diplom proqramlarının həyata keçirilməsi məsələləri müzakirə olunub.
