Gəncədə küçələrdən birində sürücülər üçün maneə törənir. Bu haqda Gencexeber.az-a 25 dekabr tarixində məlumat daxil olub.
Sözügedən hal şəhərin Nizami Gəncəvi prospektində müşahidə olunur. “Bazar Store” mağazasının qarşısında dəmir qutular düzülüb. Sakinlər bildirirlər ki, bunu taksi sürücüləri edirlər.
“Marketin qabağına “Teksun” qutularını qoyurlar. Özləri üçün yer düzəldiblər. Başqalarına saxlamağa icazə vermirlər. Narazılıq edəndə bizə bildirirlər ki, kimə istəyirsiz, deyin. Bu qutulara görə yolda tıxaclar əmələ gəlir. Aidiyyəti qurumların məsələ ilə bağlı tədbir görməsini istəyirik”, - deyə sürücülər qeyd ediblər.
