Gəncədə uşaqlar üçün ustad dərsi keçiriləcək. Bu haqda 7 fevral tarixində “Gəncə Qalası”na istinadən məlumat veririk.
Master-klas “Gəncə Qalası” Ticarət və Əyləncə Mərkəzi tərəfindən təşkil olunacaq. Burada balaca qonaqlara gipsdən hazırlanmış fiqurlar təqdim ediləcək. Onlar həmin əşyaları istədikləri rəngə boyayaraq özləri ilə apara biləcəklər.
Ustad dərsi 9 fevral tarixində saat 16:00-da baş tutacaq. Tədbirdə hər kəs ödənişsiz olaraq iştirak edə bilər.
Qeyd edək ki, mərkəz Şeyx Bahəddin küçəsi, 22 ünvanında yerləşir.
