Gəncədə tibb personalı tərəfindən maarifləndirici işlər aparılır. Bu haqda 14 noyabr tarixində Şəhər Birləşmiş Xəstəxanasına istinadən xəbər veririk.
“Profilaktik peyvəndlər təqvimi”nə əsasən, uşaqların bir sıra yoluxucu xəstəliklərə və qızılcaya qarşı vaksinasiyası həyata keçirilir.
Tədbirlər çərçivəsində Şəhər Birləşmiş Xəstəxanasının nəzdində fəaliyyət göstərən “Gülüstan” Ailə Sağlamlıq Mərkəzinin tibb personalı tərəfindən uşaq bağçaları və orta məktəblərdə profilaktik peyvəndlərlə bağlı maarifləndirici söhbətlər aparılır.
Tibb işçiləri 43 nömrəli Körpələr Evi-Uşaq Bağçasında olublar. Onlar bildiriblər ki, istənilən yoluxucu xəstəliyin qarşısının alınması xəstəliyə yoluxub sonradan ondan müalicə olunmaqdan daha səmərəlidir.
Tədbirdə uşaqların valideynləri də iştirak ediblər. Tibb işçiləri tərəfindən valideynləri maraqlandıran suallara aydınlıq gətirilib.
