Gəncədə bir neçə məhəllə baxımsız haldadır. Bu haqda Gencexeber.az-a 26 dekabr tarixində məlumat daxil olub.
Sözügedən hal şəhərin Üzeyir Hacıbəyov küçəsindəki yaşayış massivindəki 163-167 və 171-181 nömrəli binaların və 4-cü mikrorayondakı 4A saylı binanın qarşısında müşahidə olunur. Adıçəkilən ərazilərdə sakinləri ilk növbədə narahat edən məsələlərdən biri yollarda asfalt örtüyünün olmamasıdır.
Onlar bildirirlər ki, yağmurlu hava şəraitində binaların qarşısında çox sayda gölməçələr əmələ gəlir.
“Məhəlləmizin yolları yararsız haldadır. Uşaqlar palçıqda, ya da toz-torpaqda oynayırlar. Onlar üçün meydança qurulsa, rahat buraxardıq həmyaşıdları ilə vaxt keçirməyə. Aidiyyəti qurumların məsələ ilə bağlı tədbir görməsini istəyirik”, - deyə vətəndaşlar qeyd ediblər.
[modula id="52274"]
