Gəncədə sakinləri narahat edən kommunal problem yaranıb. Bu haqda Gencexeber.az-a 10 noyabr tarixində məlumat daxil olub.
Sözügedən hal şəhərin Üzeyir Hacıbəyov küçəsi, 148 ünvanında müşahidə olunur. Ərazidə yerləşən binaların zirzəmisinə çirkab axır. Bu vəziyyət bir müddətdir davam edir.
Sakinlərin sözlərinə görə, məsələ ilə bağlı aidiyyəti quruma müraciət olunsa da, problem aradan qaldırılmayıb. Onlar yüksək rütubət, kəskin qoxu və həşaratların peyda olmasından narahat olduqlarını bildiriblər. Ərazidə yaşayan əhali məsələnin həll olunmasını istəyir.
