Gəncədə bir neçə dayanacağın təmirə ehtiyacı var. Bu haqda Gencexeber.az-a 8 fevral tarixində məlumat daxil olub.
Sözügedən hal şəhərin Üzeyir Hacıbəyli küçəsi və Atatürk ilə Şah İsmayıl Xətai prospektlərinin kəsişmələrindəki avtobus dayanacaqlarında müşahidə olunur. Sakinlərin sözlərinə görə, hər ikisinin təmirə ehtiyacı var.
Birinci küçədə yerləşən dayanacağın tavanı mövcud deyil. Kəsişmədə olanın isə şüşələri yoxdur.
“Yağış yağanda burada durmağın mənası olmur, bütün su dayanacağın içinə tökülür”, – deyə sərnişinlər bildirirlər.
Bundan əlavə, Abbas Səhhət adına 1 nömrəli Şəhər Xəstəxanasının qarşısında avtobus dayanacağı mövcud deyil. Ərazidə yaşayan və tibb müəssisəsinə gələn vətəndaşlar bu vəziyyətdən narahat olduqlarını bildirirlər. Onlar burada dayanacağın quraşdırılmasını arzu edirlər.
[modula id="54511"]
